भैरववाडीत राष्ट्रवादी काँग्रेसमध्ये नवीन प्रवेश

भैरववाडी (ता. शिराळा) येथील अपक्ष लोकनियुक्त सरपंच संगीता पोतदार यांच्यासह शिवाजी पोतदार, महालिंग पोतदार, रागिणी पोतदार यांनी राष्ट्रवादी काँग्रेस (शरदचंद्र पवार) पक्षात प्रवेश केला. त्यांचे स्वागत व सत्कार सांगली जिल्हा मध्यवर्ती सहकारी बँकेचे अध्यक्ष, आमदार मानसिंगराव नाईक यांनी केला. यावेळी तालुक्याचे माजी सभापती सम्राटसिंग नाईक व राष्ट्रवादीचे तालुकाध्यक्ष बी. के. नायकवडी प्रमुख तर, राजेंद्र बोबडे, सोसायटीचे अध्यक्ष कृष्णा माने, दशरथ खराडे, उत्तम खराडे उपस्थित होते.