चरण येथे मानसिंगराव नाईक यांच्या वाढदिवसानिमित्त मोफत चष्मे वाटप

चरण (ता. शिराळा) मानसिंगभाऊ लोककल्याण अभियानमार्फत आमदार मानसिंगराव नाईक यांच्या वाढदिवसाच्या औचित्याने शिराळा तालुक्यात मोफत आरोग्य शिबिरे घेण्यात आली होती. त्यातील नेत्र तपासणीत चष्मे लागलेल्या नागरिकांना मोफत चष्मे वाटप कार्यक्रम चरण ग्रामपंचायत मध्ये आज (ता. १३) पार पडला. लोककल्याण अभियानाचे मुख्य प्रवर्तक व सांगली जिल्हा युवक राष्ट्रवादी काँग्रेसचे अध्यक्ष विराज नाईक यांच्या हस्ते लाभार्थ्यांना चष्मे वाटप करण्यात आले. यावेळी राष्ट्रवादी काँग्रेसचे तालुकाध्यक्ष बी. के. नायकवडी, ‘विश्वास’चे संचालक शिवाजी पाटील, सरपंच सोनाली नायकवडी, वाकाईवाडीचे सरपंच शंकर बोरगे, उपसरपंच हमीद नायकवडी, कुसळेवाडीचे सरपंच कोमल मस्कर, काळुंद्रेचे माजी सरपंच विजय पाटील, माजी उपसरपंच आबासो शेवाळे, कुसळेवाडीचे माजी सरपंच श्रीकृष्ण कुसळे, किनरेवाडीचे माजी सरपंच सदाशिव नावडे, चरणचे माजी सरपंच यशवंत नायकवडी, सोसायटीचे अध्यक्ष बाबासो नायकवडी, संदीप बागडे आदी मान्यवरांसह चरण, प. त. वारुण, वाकाईवाडी, बोरगेवाडी, कुसळेवाडी, कदमवाडी, किनरेवाडी, काळुंद्रे, खराळे गावातील चष्मे लाभार्थी, ग्रामस्थ उपस्थित होते.