गणेश चोपडे गृहप्रवेश: आमदार नाईक यांच्या हस्ते घरकुलाचा शुभारंभ

कांदे (ता. शिराळा) येथे रमाई आवास योजनेअंतर्गत गणेश जगन्नाथ चोपडे यांना मंजूर होऊन पूर्ण झालेल्या घरकुलाचा गृहप्रवेश सांगली जिल्हा मध्यवर्ती सहकारी बँकेचे अध्यक्ष, आमदार मानसिंगराव नाईक यांच्या हस्ते करण्यात आला. आमदार मानसिंगभाऊ यांनी घराची प्रतिकात्मक चावी श्री. चोपडे कुटुंबाकडे सुपूर्द केली. या प्रसंगी गट विकास अधिकारी संतोष राऊत, ‘विश्वास’चे संचालक सुरेश चव्हाण, उपसरपंच छानूसिंग पाटील, ग्रामपंचायत सदस्य गजानन पाटील, माधव मोहरेकर, अमोल पाटील, सोसायटीचे अध्यक्ष नानासो भडकीमकर, राजेंद्र पाटील, धनाजी पाटील, भोलासो पाटील, विस्तार अधिकारी मनोज जाधव, ग्रामसेवक राहूल आडके यांच्यसह अन्य मान्यवर सर्व ग्रामपंचायत सदस्य व कर्मचारी वर्ग उपस्थित होते.