स्वप्नाली पवार यांची जलसंपदा विभागात स्थापत्य अभियांत्रिकी सहाय्यक पदावर निवड: वशी गावात सत्कार समारंभ

वशी (ता. शिराळा) : येथील स्वप्नाली एकनाथ पवार यांची महाराष्ट्र शासनाच्या जलसंपदा विभागात स्थापत्य अभियांत्रिकी सहाय्यक म्हणून निवड झाली आहे. त्याबद्दल तिचा सत्कार पुष्पगुच्छ देवून सांगली जिल्हा मध्यवर्ती सहकारी बँकेचे अध्यक्ष, आमदार मानसिंगराव नाईक यांनी केला. यावेळी सरपंच अमोल कुंभार, पाणी योजना संचालक जगन्नाथ पाटील, एकनाथ पवार, माजी उपसरपंच शोभा पवार, उल्हास पाटील, शंकर पवार आदी मान्यवर उपस्थित होते.